«Севилья»нинг тажрибали марказий ҳимоячиси Серхио Рамос Испания терма жамоасига қайтиш имкониятига эга. Бу ҳақда жамоа бош мураббийи Луис де ла Фуэнте гапирди.

«Сиз ҳар доим терма жамоага чақирилган футболчиларни ҳурмат қилишингиз керак. Назаримда, Серхио терма жамоа билан хайрлашгандек туюлди.

Лекин бизнинг эшикларимиз унинг учун доим очиқ», - деди мутахассис.

Рамос 2005 йилдан 2021 йилгача Испания терма жамоасида ўйнаган. «Қизил фурия» таркибида ҳимоячи 180 та ўйин ўтказиб, 23 та гол урган. Серхио терма жамоа билан биргаликда жаҳон чемпиони ва икки марта Евро ғолиби бўлди.