Бошланган ҳафта яхши янгиликларга бой бўлиши кутилмоқда. Бошланган ҳафтада борлиқни қиш зийнати – қор қоплади. "Насаф" клуби мухлислари учун янги ҳафта яхши янгиликларга бой бўлади. 20 декабрдан Рўзиқул Бердиев бошчилигидаги жамоа янги мавсумга тайёргарликни бошлайди.

Тез орада бош мураббий билан бўладиган суҳбатда жамоанинг янги мавсумдаги реажалари билан танишиб олишингиз мумкин бўлади. Шунингдек, ушбу ҳафтада келажагимиз эгалари бўлмиш “Насаф” футбол мактабининг 1996 йилда таваллуд топган тарбияланувчиларига дипломлар топширилади.

Дарвоқе, янги ҳафтада клуб расмий сайти дизайни ҳам ўзгарди. Қисқа таннаффусдан клуб ҳаётига оид қайноқ янгиликларни сайтимизда тезкорлик билан бериб борамиз. Воқеалар ривожини биз билан кузатиб боринг.

P.S. Бизга маълум бўлишича Тошкентда "Насаф" ПФК президенти Алишер Султонов жамоамиз бош мураббийи Рўзиқул Бердиев ва клуб спорт директори Виталий Ни билан учрашиб, суҳбат ўтказган. Суҳбатда янги мавсумга тайёргарлик ва жамоада кутиладиган ўзгаришлар ҳақида муҳокама қилинган кўринади. Биз яқин вақтларда ўша суҳбатдан келиб чиқиб, "Насаф"да янги мавсум олди кутилаётган янгиликларни ҳам билиб олишимиз мумкин.