Россия Федерацияси спорт вазири Олег Матыцин УЕФАнинг Россия ёшлар терма жамоаларини расмий мусобақаларга киритишни бекор қилиши ҳақидаги қарорига муносабат билдирди.
Унинг сўзларига кўра, УЕФА кўплаб давлатлар босими остида Россия ёшлар терма жамоаларини халқаро мусобақаларга қабул қилишни бекор қилган.
«Бу яна бир бор халқаро спорт ташкилотларини кескин сиёсийлаштиришдан далолат беради. Афсуски, улар мустақил бўлишни тўхтатмоқда», — дея Матыциннинг сўзларидан иқтибос келтиради ТАСС.
Хабарингиз бор, Россия ёшлар терма жамоалари халқаро турнирларга қабул қилингани эълон қилингач, бир қатор давлатлар бойкот эълон қилган эди.
Улар Россия ёшлар терма жамоаларига қарши нейтрал мақомда ҳам ўйнашни истамасликларини билдиришди.
