Rossiya Federasiyasi sport vaziri Oleg Matisin UYEFAning Rossiya yoshlar terma jamoalarini rasmiy musobaqalarga kiritishni bekor qilishi haqidagi qaroriga munosabat bildirdi.
Uning so‘zlariga ko‘ra, UYEFA ko‘plab davlatlar bosimi ostida Rossiya yoshlar terma jamoalarini xalqaro musobaqalarga qabul qilishni bekor qilgan.
«Bu yana bir bor xalqaro sport tashkilotlarini keskin siyosiylashtirishdan dalolat beradi. Afsuski, ular mustaqil bo‘lishni to‘xtatmoqda», — deya Matisinning so‘zlaridan iqtibos keltiradi TASS.
Xabaringiz bor, Rossiya yoshlar terma jamoalari xalqaro turnirlarga qabul qilingani e’lon qilingach, bir qator davlatlar boykot e’lon qilgan edi.
Ular Rossiya yoshlar terma jamoalariga qarshi neytral maqomda ham o‘ynashni istamasliklarini bildirishdi.