Мадриднинг “Реал” футболчиларига BMW автомобиллари топширилди.
“Реал” ва BMW 2022 йилда ҳамкорликни йўлга қўйган. Бунга қадар 19 йил давомида Audi Мадрид клуби ҳомийси бўлган.
Marca нашрининг хабарига кўра, футболчилар электрокар ва гибрид моделлардан танлаш имкониятига эга бўлди. Танлов учун машиналарнинг 4 хил модели тақдим этилган: i4, i7, iХ ва ХМ.
BMW’нинг энг арзон модели i4 бўлиб (57,3 минг евро), ушбу машинани Орельен Тчуамени танлади. BMW i4 М50 эса 80 минг евро туради ва ушбу моделдан Эдер Милитао, Фран Гарсия, Эдуардо Камавинга, Лукас Васкес, Винисиус Жуниор ва бош мураббий Карло Анчелотти фойдаланадиган бўлди.
Энг қиммат модел бўлган BMW ХМ (180 минг евродан бошланади) эса мадридликларнинг 8 нафар футболчисига насиб этди — Тибо Куртуа, Кепа Аррисабалага, Жуд Беллингем, Дани Себальос, Арда Гюлер, Хоселу ва Родриго.
