«Ювентус» ярим ҳимоячиси Уэстон Маккенни ўзининг ўйин ҳолати ҳақидаги саволга жавоб берди. Айтиш жоизки, жорий мавсум америкалик ҳам марказда, ҳам қанотда ўйнади.
«Мен ўзимни саккизлик футболчи деб ҳисоблайман. Ҳимояда ҳам, ҳужумда ҳам марказда бўлишни яхши кўраман.
Ростини айтсам, мен учун энг яхшиси тактик даражада эркинликка эга бўлиш. Ўйлайманки, мен ўз позициямни яхши ҳис қиламан ва қандай қилиб керакли жойда бўлишни биламан», - дея Маккеннининг сўзларини келтирмоқда Goal.
2023/2024 йилги мавсумда 25 ёшли Уэстон Маккенни саккизта ўйин ўтказиб, шериги учун битта голли узатмани амалга оширди.
