"Тоттенхэм" Премьер-лига тарихида мавсумнинг дастлабки икки ойида энг яхши футболчи ва мураббий мукофотларини олган биринчи клуб бўлди.
Хабарингиз бор, сентябрь ойида Премьер-лиганинг энг яхши мураббийи совринини Анж Постекоглоу қўлга киритди. Аввалроқ ушбу мутахассис август ойида ҳам худди шундай мукофотга сазовор бўлганди. Премьер-лиганинг энг яхши футболчиси учун бериладиган соврин эса сентябрь ойида “шпорлар” ҳужумчиси Хён Мин Сонга, август ойида эса “Тоттенхэм” ярим ҳимоячиси Жеймс Мэддисонга топширилган эди.
"Тоттенхэм" АПЛнинг сўнгги 8 турида 20 очко тўплади (6 ғалаба ва иккита дуранг). "Шпорлар" иккинчи ўриндаги "Арсенал"дан фақат қўшимча кўрсаткичлар бўйича олдинда бормоқда.
