Лондоннинг “Тоттенхэм” клуби бош мураббийи Анж Постекоглоу Англия Премьер-лигасининг сентябрь ойидаги энг яхши мураббийига айланди. Бу ҳақда АПЛ матбуот хизмати хабар берди.
Сентябрь ойида "шпорлар" миллий чемпионатда учта ғалаба билан мағлубиятсиз ўтишди. Яна бир учрашув дуранг билан якунланди. Постекоглоу ушбу соврин учун курашда Микель Артета («Арсенал»), Унаи Эмери («Астон Вилла»), Эдди Хау («Ньюкасл») ва Юрген Клопп («Ливерпуль»)ни ортда қолдирди.
Эслатиб ўтамиз, 58 ёшли Постекоглоу лигадаги дастлабки икки ойида икки марта Премьер-лигада ойнинг энг яхши мураббийи деб топилган тарихдаги биринчи мураббийга айланди.
Саккиз турдан кейин “Тоттенхэм” 20 очко билан Англия чемпионати турнир жадвалида пешқадамлик қилмоқда.
