Италия терма жамоаси ва “Интер” клуби марказий ярим ҳимоячиси Николо Бареллага Англия Премьер-лигасида талаб катта. Бу ҳақда Todofichajes нашри хабар бермоқда.

Манбага кўра, 26 ёшли футболчининг хизматларига "Ливерпуль" клуби қизиқиш билдирмоқда. "Мерсисайдликлар" Бареллани яқин келажакдаги асосий трансфер мақсадларидан бири сифатида белгилаб олишди.

Николо “нерадзуррилар” сафида 2020 йилнинг сентябридан буён ўйнаб келмоқда. Ярим ҳимоячининг миланликлар билан амалдаги шартномаси 2026 йилнинг ўрталарига қадар тузилган. Transfermarkt портали унинг нархини 75 миллион еврога баҳоламоқда.