Бразилиялик ярим ҳимоячи Бруно Гимараэснинг ўтган ҳафтада имзоланган "Ньюкасл Юнайтед" билан шартномасида "Барселона" учун махсус тўлов банди мавжуд. Бу ҳақда Sport.es нашри хабар бермоқда.
Манбага кўра, Каталония клуби футболчини бошқа жамоаларга қараганда арзонроқ нархда сотиб олиши мумкин бўлади. Испанлар учун эҳтимолий трансфер суммаси 65-70 миллион евро атрофида бўлиши мумкин.
Бразилиялик ярим ҳимоячи "Ньюкасл"да ўйнаган вақт давомида 67 та ўйин ўтказиб, 11та гол урган ва 8та голга ассистентлик қилган. Transfermarkt портали футболчининг тахминий нархи 70 миллион еврога баҳоламоқда.
Инглиз клуби 25 ёшли бразилиялик футболчини 2022 йилнинг январида Франциянинг “Лион” клубидан 42 миллион евро эвазига сотиб олганди. Аввал футболчи Бразилиянинг “Атлетико Паранаэнсе” клубида ўйнаган.
