Лондоннинг «Вест Хэм» клуби ўз сардори, марказий ҳимоячи Курт Зумани Саудия Арабистонига сотиши мумкин.
Британиянинг Football Insider нашри хабарига кўра, «болғачилар»нинг ҳимоячисига Яқин Шарқдаги ушбу мамлакатнинг бир нечта клублари қизиқиш билдирмоқда.
Қайд этилишича, Лондон клуби 30-35 миллион евролик таклифни кутиши мумкин.
Эслатиб ўтамиз, 28 ёшли футболчи жорий мавсумдан бошлаб ўз клубида сардор сифатида асосий таркибда ўйнамоқда. Ҳимоячи жорий мавсумда 10 та ўйинда майдонга тушиб, битта гол урган.
Зоуманинг «болғачилар» билан амалдаги шартномаси 2025 йилнинг 30 июнига қадар тузилган.