Кафу Рома ва Qatar Airways авиакомпанияларини судга бериб, 11,8 миллион евро ундирмоқчи.
Calcio e Finanza Il Massagero нашрига таяниб ёзганидек, бразилиялик ўзининг собиқ клуби ва авиакомпанияни имиж ҳуқуқларини бузганликда айбламоқда. 2019 йилда Кафу клуб афсонаси сифатида Qatar Airways билан ҳомийлик шартномаси доирасида "Рома"нинг юзига айланишга рози бўлди.
2020 йилнинг августида Жеймс Паллотта Кафу билан келишув топа олмай “Рома”ни сотиб юборди. Собиқ ҳимоячи клубга бўлган муҳаббати туфайли судга боришни истамай, келишувга эришмоқчи бўлди, бироқ масала умуман силжимаётгани учун у давом этишга қарор қилди.
Энди томонлар 17 ноябргача тинч йўл билан келишувга эришишлари керак. Агар бу иш бермаса, Кафу судда "Рома" ва Qatar Airways'дан 11,8 миллион евро талаб қилади.
