Италия терма жамоаси ярим ҳимоячиси Жакомо Бонавентура Евро-2024 саралаши доирасидаги Мальтага (4:0) қарши ўйин натижаларини сарҳисоб қилди.
“Гол уриш жуда ҳиссиётли дақиқадир. Италия терма жамоаси либосида ўйнаб, гол урсангиз, бу, албатта, ўзгача туйғу. Мен ҳар доим терма жамоага қайтишга умид қилганман, ваҳоланки, қанча вақт ўтган бўлса-да, шунчалик имкониятим камайган. Ҳозир мен ўз клубим билан яхши ўйнаяпман, бу ерда эканлигимдан ва терма жамоага ёрдам бериш имкониятига эга бўлганимдан хурсандман" - дея Бонавентуранинг сўзларини келтиради УЕФА расмий сайти.
34 ёшли ярим ҳимоячи Евро-2024 саралаш турнири доирасида Мальтага қарши ўйинда гол урди. Бу гол футболчининг терма жамоадаги дебюти бўлди - у бунгача 14 ўйинда гол ура олмаганди.
Шу тариқа Бонавентура терма жамоа рекордини ўрнатди - ҳеч бир футболчи Италия терма жамоасидаги дебют голини бу ёшда киритмаганди.
