Мадриднинг “Атлетико” клуби ярим ҳимоячиси Аксел Витсель бельгиялик собиқ терма жамоадоши Эден Азар футболчилик фаолиятини якунлаш ҳақидаги қарори ҳақида гапирди.
Эслатиб ўтамиз, 32 ёшли Азар 10 октябрь куни футболчилик фаолиятини якунлаганини эълон қилган эди. Қанот футболчиси фаолиятидаги сўнгги клуб "Реал Мадрид" бўлган. У аввалроқ “Челси” ва “Лилль” клубларида ҳам ўйнаган.
“Эдан - менинг укам. У фантастик карьера ўтказган. Менимча, у фаолиятининг сўнгги икки йили унга қимматга тушгани учун шундай қарорга келган. Футболчи оғир жароҳат олса, ўзини маънавий жиҳатдан оғир ҳис қилади", - дея Витселдан иқтибос келтиради AS.
Ўтган мавсумда Азар "Реал" сафида барча турнирларда бор-йўғи 10та ўйинда майдонга тушиб, битта гол урди ва иккита голли узатмани амалга оширди.