Германия терма жамоаси бош мураббийи Юлиан Нагельсманн АҚШ терма жамоасига қарши ўтказилган ўртоқлик учрашуви ҳақида гапирди. Бундестим 3:1 ҳисобида ғалабани нишонлади.
“Ўтказиб юборилган голга қандай муносабатда бўлганимизни кўриш жуда муҳим эди. Йигитлар жуда яхши ўйин кўрсатишди. Биринчи бўлимда бизда кўп имкониятлар бўлмади, уларнинг ҳимоясини ёриб ўта олмадик. Агар ўйин натижасини оладиган бўлсак, биз ҳақли равишда ғалаба қозондик", - деди мутахассис.
Эслатиб ўтамиз, Нагельсманн сентябрь ойида Германия терма жамоаси бош мураббийи лавозимини эгаллаган эди. Томонлар 2024 йилнинг ўрталарига қадар мўлжалланган узоқ муддатли шартнома имзолашди.
