"Интер Майами" клуби ноябрь ойида Хитой бўйлаб қисқа муддатли турнега чиқишини маълум қилди.
Бу жамоанинг 2024 йилги мавсумга тайёргарлигининг бир қисми бўлади.
5 ноябрь куни Херардо Мартино шогирдлари “Цингдао Хайню” билан, 8 ноябрда эса “Ченгду Ронгченг” билан учрашади. Биринчиси ҳозирда мамлакат олий лигасида 13-ўринни, иккинчиси эса 6-ўринни эгаллаб турибди.
Эслатиб ўтамиз, "Интер"нинг ўзи МЛС Шарқий конференциясида сўнгги ўринни эгаллаб турибди.
Жамоа плей-оффга чиқиш имкониятини йўқотиб бўлган.