«Интер» арманистонлик ярим ҳимоячи Генрих Мхитарян билан шартномани узайтирмоқчи. Бу ҳақда Quotidiano Sportivo хабар бермоқда.
Манбага кўра, милан клуби Мхитарянга яна бир мавсумга узайтириш имконияти билан 2025 йилгача янги шартнома таклиф қилмоқда.
Қайд этилишича, «Интер» 34 ёшли футболчини ҳозирги маоши, яъни йилига 3,8 миллион евролик даромад билан сақлаб қолишга тайёр. Мхитаряннинг ўзи ҳам клубда қолишга қарши эмас.
Эслатиб ўтамиз, Мхитарян 2022 йилнинг ёзида «Рома»дан «Интер»га ўтган эди.
«Нерадзуррилар» таркибида ярим ҳимоячи 59 та ўйин ўтказиб, 7 та гол урди ва 3 та голли узатмани амалга оширди.
