"Челси" ярим ҳимоячиси Коул Палмер Сербияга қарши ўйинда (9:1) жароҳат олиб, Англия ёшлар терма жамоасидан Лондон клубига қайтди.
Англия ёшлар терма жамоаси бош мураббийи Ли Карсли Палмернинг соғлиғини хавф остига қўйишни истамаслигини айтди, шунинг учун 21 ёшли футболчи "Челси"га қайтди.
Эслатиб ўтамиз, Палмер ўтган ёзда "Манчестер Сити"дан "Челси"га ўтган эди. Ярим ҳимоячи "кўклар" сафида олтита ўйин ўтказишга муваффақ бўлди ва у ўйинда битта гол урди ва иккита голли узатмани амалга оширди.
“Челси” навбатдаги ўйинни 21 октябрь куни “Арсенал”га қарши ўтказади.