Англиянинг "Ливерпуль" клуби Мюнхеннинг "Бавария" клуби ҳужумчиси Лерой Санени сотиб олмоқчи. У "қизиллар"нинг мисрлик футболчиси Муҳаммад Салоҳ ўрнига асосий даъвогар ҳисобланади. Бу ҳақда Mirror нашри хабар бермоқда.
Манбага кўра, "Ливерпуль" Сане учун 80 миллион фунт стерлингдан кўпроқ (тахминан 93 миллион евро) тўлашга тайёр. Айни дамда "мерсисайдликлар"нинг рекорд хариди уругвайлик ҳужумчи Дарвин Нуньес бўлиб, у учун шунча пул тўланган. Бундан ташқари, Санега Мадриднинг “Реал” клуби ҳам қизиқмоқда.
Эслатиб ўтамиз, Сане "Бавария"да 2020 йилдан буён ўйнаб келмоқда. Бу даврда германиялик футболчи Мюнхен клуби сафида барча турнирларда 144 та ўйинда қатнашиб, 45 та гол ва 37 та голли узатмани амалга оширган.
