Angliyaning "Liverpul" klubi Myunxenning "Bavariya" klubi hujumchisi Leroy Saneni sotib olmoqchi. U "qizillar"ning misrlik futbolchisi Muhammad Saloh o‘rniga asosiy da’vogar hisoblanadi. Bu haqda Mirror nashri xabar bermoqda.

Manbaga ko‘ra, "Liverpul" Sane uchun 80 million funt sterlingdan ko‘proq (taxminan 93 million yevro) to‘lashga tayyor. Ayni damda "mersisaydliklar"ning rekord xaridi urugvaylik hujumchi Darvin Nunyes bo‘lib, u uchun shuncha pul to‘langan. Bundan tashqari, Sanega Madridning “Real” klubi ham qiziqmoqda.

Eslatib o‘tamiz, Sane "Bavariya"da 2020 yildan buyon o‘ynab kelmoqda. Bu davrda germaniyalik futbolchi Myunxen klubi safida barcha turnirlarda 144 ta o‘yinda qatnashib, 45 ta gol va 37 ta golli uzatmani amalga oshirgan.