Ўзбекистон ёшлар терма жамоаси (U20) билан Ҳамдўстлик кубогида бир гуруҳда иштирок этадиган Қирғизистон терма жамоасининг таркиби маълум бўлди. Қирғизистон футбол федерациясининг маълум қилишича, таркибга 18 футболчи киритилган, аммо унда ҳали ўзгариш бўлиши мумкин.

18 футболчининг 3 нафари дарвозабон, бир нафари ҳужумчи бўлса, ҳимоячи ва ярим ҳимоячиларнинг сони 7тадан.

Дарвозабонлар: Руслан Жанибеков, Арстан Манасов, Калис Акималиев.
Ҳимоячилар: Валерий Кичин, Марат Ажиниязов, Адил Беколотов, Владислав Барсуков, Тамирлан Козубаев, Санжар Шаршеев, Акрам Умаров.
Ярим ҳимоячилар: Ислом Шамшиев, Авазбек Откеев, Аман Талантбеков, Саламат Мамбеталиев, Владимир Казакбаев, Азиз Сидиқов, Рауль Жалилов.
Ҳужумчи: Қаюмжон Шарипов.

Ўзбекистонликлар Қирғизистон билан гуруҳнинг 3-турида тўқнаш келади. Ўйин 21 январь куни бўлиб ўтади.

Таъкидлаш лозим, Қирғизистон ёшлар терма жамоаси ўтган йилги ҳамдўстлик кубогида 9-ўринни эгаллаганди (12та жамоа орасида).