"Барселона" ўз тарбияланувчиси Хуан Мирандани жамоага қайтариши мумкин.
23 ёшли ҳимоячининг “Бетис” билан шартномаси мавсум охирида якунига етади. Томонлар келишувни узайтириш бўйича музокараларни бошлади.
"Барселона" испаниялик футболчи эркин агентга айланса, ўз сафига қўшиб олиши мумкин. Клуб ҳимоянинг чап қанотида Алекс Бальде ўрнини боса оладиган футболчи қидирмоқда.
"Кўк-анорранглилар" вакиллари футболчининг вакиллари билан алоқада бўлишган, аммо "Милан" трансфер устида фаолроқ ишламоқда.
Миранда 2014 йилдан 2019 йилгача "Барселона" тизимида бўлган.
