Мадриднинг “Реал” клуби ярим ҳимоячиси Эдуардо Камавинга Франция терма жамоасидаги ўйин амалиёти ҳақида гапирди.
20 ёшли футболчи яқинда Нидерландия терма жамоасига (2:0) қарши 2024 йилги Европа чемпионати саралаш ўйинида захирада қолди. Умуман олганда, ярим ҳимоячи 2020 йилдаги дебютидан буён “уч рангли” сафида 12 та ўйин ўтказди.
"Ўйлайманки, ҳар сафар майдонга тушиш имконияти пайдо бўлганида, мураббийга тез-тез асосий таркибда ўйнашга лойиқ эканлигимни исботлашга муваффақ бўламан. Лекин мен Дешамнинг танловини ҳурмат қиламан. Менинг вазифам - асосий жамоада ўйнашга яроқли эканлигимни исботлаш учун ишлашда давом этиш", - деди Камавинга Madrid Zone билан суҳбатда.
