Madridning “Real” klubi yarim himoyachisi Eduardo Kamavinga Fransiya terma jamoasidagi o‘yin amaliyoti haqida gapirdi.
20 yoshli futbolchi yaqinda Niderlandiya terma jamoasiga (2:0) qarshi 2024 yilgi Yevropa chempionati saralash o‘yinida zaxirada qoldi. Umuman olganda, yarim himoyachi 2020 yildagi debyutidan buyon “uch rangli” safida 12 ta o‘yin o‘tkazdi.
"O‘ylaymanki, har safar maydonga tushish imkoniyati paydo bo‘lganida, murabbiyga tez-tez asosiy tarkibda o‘ynashga loyiq ekanligimni isbotlashga muvaffaq bo‘laman. Lekin men Deshamning tanlovini hurmat qilaman. Mening vazifam - asosiy jamoada o‘ynashga yaroqli ekanligimni isbotlash uchun ishlashda davom etish", - dedi Kamavinga Madrid Zone bilan suhbatda.
