Парижликлар Килиан Мбаппени янги шартнома имзолашга кўндирмоқчи.

24 ёшли футболчининг амалдаги шартномаси келаси йилнинг ўрталарида тугайди ва бу унга мавсум охирида эркин агент сифатида "ПСЖ"ни тарк этиш имконини беради. Лига 1 гиганти раҳбарияти бундай сценарийга йўл қўймаслик учун бор кучи билан ҳаракат қилмоқда, шунинг учун Мбаппе учун сўнгги таклифни тайёрлади.

Diario Sport хабарига кўра, франциялик футболчига 2025 йилгача мўлжалланган шартнома таклиф қилинади, шу билан бирга ҳужумчига 2024 йилда кетишга рухсат берилади.

Манбанинг қайд этишича, агар томонлар яна келишмаса, "Реал" даъвогар Килиан Мбаппе январ ойида сотувга қўйилиши мумкин.