Испания терма жамоаси Норвегияни мағлуб этиб, Европа чемпионати йўлланмасини қўлга киритди.
Луис де ла Фуэнте шогирдлари Норвегияга қарши Евро-2024 саралашининг 6-тури доирасидаги меҳмонда минимал ҳисобда ғалаба қозонди. “Қизил фурия”нинг ягона голи 49-дақиқада Гави томонидан киритилди.
Opta хабарига кўра, испанлар 2017 йилнинг ноябридан бери биринчи марта кетма-кет учта ўйинда бирорта ҳам гол ўтказиб юбормасдан ғалаба қозонишга муваффақ бўлишди. Ўшанда Хулен Лопетеги жамоани бошқарган ва "қуруқ" ғалабалар серияси охир-оқибат бештага етган.
Эслатиб ўтамиз, аввалроқ Испания Шотландия термасини (2:0), Кипрни (6:0) мағлуб этганди.
