Якунланган мавсумда "Актобе"нинг энг яхши тўпурари бўлган Александр Гейнрих келаси мавсумни ҳам актобеликлар сафида ўтказадиган бўлди.
"Ҳа, мен келаси мавсумда ҳам "Актобе"да ўйнайман. Шартнома яна бир йилга узайтирилди ва мен ҳозир жамоанинг йиғинида машғулотларда иштирок этяпман", дейди Ўзбекистон терма жамоаси ҳужумчиси Александр Гейнрих.
Эслатиб ўтамиз, 2012 йилнинг ёзида "Актобе" таркибига қўшилган ўзбекистонлик футболчилардан Гейнрихнинг шартномаси йил охиригача мўлжалланганди. Кападзе ва Бикмаев эса ўша пайтдаёқ 2013 йилнинг охирига қадар шартнома имзолашганди. Демак, ўзбекистонлик учлик яна бир йил давомида актобеликлар шарафини ҳимоя қилишади.