Португалия терма жамоаси ҳужумчиси Криштиану Роналду 2024 йилги Европа чемпионати саралаш босқичи доирасида Словакия терма жамоасига қарши ўйинда иккита гол урди.

38 ёшли ҳужумчи учун бу дубль фаолиятидаги 153-дубл бўлди. Бу кўрсаткич бўйича Криштиану 156 дубль қайд этган аргентиналик форвард Лионель Мессига яқин турибди.

Эслатиб ўтамиз, Португалия ва Словакия терма жамоалари ўртасидаги учрашув 3:2 ҳисобида португалларнинг ғалабаси билан якунланган эди. Ушбу муваффақият эвазига Португалия терма жамоаси Германия футбол майдонларида бўлиб ўтадиган 2024 йилги Эвропа чемпионати йўлланмасини ўзига кафолатлади.