"Манчестер Юнайтед" мураббийлар штаби аъзоси Митчелл ван дер Гааг "қизил иблислар"ни тарк этиб, Нидерландия чемпионатига ўтиши мумкин.
The Athletic нашри хабарига кўра, Амстердамнинг "Аякс" клуби мутахассиснинг хизматларига қизиқиш билдирмоқда ва уни жамоа мураббийи лавозимига таклиф қилмоқчи.
Ван дер Гааг 2019 йилдан 2021 йилгача "Аякс" ёшлар жамоасида ишлаган. Шундан сўнг у Эрик тен Хагнинг "Манчестер Юнайтед"даги мураббийлар штабига ўтди. Мутахассиснинг "манкунианликлар" билан шартномаси 2025 йилнинг ўрталарига қадар тузилган.
"Аякс" Нидерландия чемпионатининг янги мавсумини ёмон бошлади. Жамоа олти турда беш очко жамғариб, турнир жадвалида атиги 16-ўринни эгаллаб турибди.
