"Интер" "Вест Хэм" ярим ҳимоячиси Томаш Соучек ва "Лестер" ҳужумчиси Келечи Ихеначога қизиқиш билдирмоқда. Бу ҳақда Inter News хабар бермоқда.
Жорий мавсумда 28 ёшли Соучек "болғачилар" сафида 10 та ўйинда майдонга тушиб, 4 та гол урди ва битта голли узатмани амалга оширди. Аввалроқ "Интер" чехиялик футболчини эркин агент сифатида ўз сафида кўрмоқчи экани ҳақида хабар берилганди.
27 ёшли Ихеначо “Лестер” сафида 13 та ўйинда майдонга тушиб, 5 та гол ва 2 та голли узатмага муаллифлик қилган. Transfermarkt портали Нигерия терма жамоаси футболчисини 18 миллион еврога баҳоламоқда.
