"Реал Мадрид" ҳимоячиси Начо Фернандес октябрь ойи бошида "Жирона"га қарши ўйинда жиддий қоидабузарлик учун уч ўйинга дисквалификаcия қилинган эди. El partidazo Del Cope хабарига кўра, апелляция қўмитаси Начонинг жазосини икки ўйинга қисқартирди. Шу тариқа ҳимоячи “Реал” сафида “Барселона”га қарши “Эл-класико”да ўйнай олади.
Испания чемпионати доирасидаги “Барселона” – “Реал” учрашуви 28 октябрь, шанба куни бўлиб ўтади.
Ҳозирда "Реал" Ла Лига турнир жадвалида биринчи ўринда (24 очко), "Барселона" эса учинчи ўринда (21 очко).