Ярим ҳимоячи Янн М'Вила ёзда "Олимпиакос"ни тарк этганидан сўнг эркин агентга айланди. У "Лион" жамоаси сафида формасини сақлаб турибди, кунига икки марта машғулот ўтказмоқда ва фаолиятини давом эттириш учун таклифларни кутмоқда, деб хабар бермоқда инсайдер Фабрицио Романо.
Қайд этилишича, 33 ёшли франциялик футболчи аввалроқ матбуотда хабар қилинганидек, "Атлетико" Мадрид билан музокаралар олиб бормаяпти.
Таянч ярим ҳимоячи 2013 йили Франциянинг "Ренн" клубидан Россиянинг "Рубин" жамоасига кўчиб ўтган. М'Вила кейинчалик "Интер", "Сандерленд" ва "Сент-Этьен" клубларида ўйнаган.
