Португалия терма жамоаси ҳужумчиси Криштиану Роналду Евро-2024 саралашининг 8-тури доирасидаги Босния ва Герцеговина терма жамоаси устидан қозонилган ғалаба ҳақида фикр билдирди.
“Яна ғалаба ва бутун жамоадан яхши ўйин! Гуруҳда биринчи ўрин кафолатланган! Биз кучли бўлиб қоламиз”, — деб ёзди Роналду ижтимоий тармоқларидан бирида.
16 октябрь куни Португалия терма жамоаси Евро-2024 саралаш босқичи “Ж” гуруҳи 8-тури доирасидаги ўйинда Босния ва Герцеговинани сафарда мағлуб этди – 5:0.
Жамоа ёзда Германияда бўлиб ўтадиган Европа чемпионати финал босқичига муддатидан аввал йўлланма олди.
