2024 йилги Европа чемпионати саралаш босқичи доирасидаги Португалия ҳамда Босния ва Герцеговина терма жамоалари ўртасидаги ўйин вақтида мухлис майдонга югуриб кирди.

Биринчи бўлим охирида бир мухлис майдонга югуриб чиқиб, ҳужумчи Криштиану Роналдуни ушлаб олди. Стюардлар тезкорлик билан ҳаракат қилиб, мухлисни Португалия терма жамоаси етакчисидан узоқлаштирди.

Учрашув португалияликларнинг 5:0 ҳисобидаги ғалабаси билан якунланди. Охирги баҳсда Роналду иккита гол урди.

Эслатиб ўтамиз, Португалия терма жамоаси Германияда бўлиб ўтадиган 2024 йилги Европа чемпионати йўлланмасини кафолатлаган.