"Челси" марказий ҳимоячиси Тьяго Силва келажаги ҳақида ўз фикрлари билан ўртоқлашди.

39 ёшли футболчининг амалдаги шартномаси мавсум охирида якунига етади. Бразилиялик футболчининг фаолиятини давом эттиришнинг мумкин бўлган вариантларидан бири унинг ватанига қайтиши ҳисобланади.

“Ҳозир мен сукут сақлашни афзал кўраман, чунки яқинда ҳамма нарса баҳсли эди. Менинг оилам бор, фарзандларим бор ва биз ҳали ҳам бу ҳақда ўйлашимиз керак. Муваффақиятли карьерани қаерда якунлаш яхшироқ эканини аниқлашим керак”, деди ҳимоячи TNT Sports телеканалига берган интервьюсида.

Тьяго Силва шу пайтгача "Челси"нинг Премьер-лигадаги саккизта ўйинида иштирок этди.