Машҳур италиялик ҳимоячи Леонардо Бонуччи футбол ўйинларига пул тикишда айбланаётган собиқ жамоадоши Николо Фаджоли иши бўйича жиддий жазога тортилиши мумкин.
La Repubblica хабарига кўра, тергов натижасида полиция Бонуччи Фаджолининг ноқонуний пул тикиш билан шуғулланганидан хабардорлигини аниқлаган.
Бироқ, Леонардо бу маълумотни расмийларга бермади. Бунинг учун у олти ой муддатга узоқ муддат дисквалификация қилиниши мумкин.
Бонуччи ҳозирда «Унион Берлин» футболчиси. 36 ёшли ҳимоячи немис клубига ёзги трансфер ойнасида келиб қўшилди ва 2023/2024 йилги мавсум охиригача шартнома имзолади.
