«Реал Мадрид» президенти Флорентино Перес «ПСЖ» ҳужумчиси Килиан Мбаппе билан шартнома имзолашни сўраган мухлисга жавоб қайтарди.
Madrid Zone нашрининг Henrygr126 аккаунтдаги видеога таяниб хабар беришича, тадбирлардан бирида мухлис Пересдан Мбаппени «Реал»га ўтказишни сўраган, функционер жилмайиб: «Мен у ҳақида ҳеч қачон эшитмаганман», деб жавоб берган.
24 ёшли Мбаппе жорий мавсумда барча турнирларда тўққизта ўйин ўтказиб, саккизта гол урди. Футболчининг «ПСЖ» билан тузган меҳнат шартномаси келаси ёзда якунига етади. Ҳужумчининг трансфер қиймати 180 миллион еврога баҳоланмоқда.
