«Бавария» ҳужумчиси Жамол Мусиала клуб раҳбарияти билан ҳамкорликни узайтириш бўйича музокараларни тўхтатишга қарор қилди.

Bild хабарига кўра, футболчи келажакда жамоанинг асосий футболчисига айланишига ишончи комил эмас.

Мусиала Мюнхен лойиҳаси келажакда қандай ривожланишини кўришга қарор қилди ва кейинроқ ўз келажаги ҳақида якуний қарор қабул қилади.

Жамол ва «Бавария» ўртасидаги амалдаги меҳнат шартномаси муддати 2026 йилнинг ёзига қадар ҳисобланган.

Ҳужумчи жамоадаги энг қиммат футболчилардан бири, унинг трансфер қиймати 110 миллион еврога баҳоланмоқда.