Мюнхеннинг «Бавария» клуби ҳужумкор ярим ҳимоячиси Жамол Мусиала Европанинг кўплаб топ-клублари эътиборини тортмоқда.
Sport Bild ўз саҳифаларида ёзганидек, «Реал Мадрид» ҳам истеъдодли футболчи учун кураша олади.
Олдинроқ матбуотда Мусиала «Бавария» билан янги шартнома бўйича музокараларни тўхтатгани ҳақида маълумот пайдо бўлганди.
Футболчининг амалдаги меҳнат шартномаси 2025/2026 йилги мавсум охиригача амал қилади. Жамол Мусиала 20 ёшда, лекин у аллақачон энг яхши футболчилардан бири саналади. Нуфузли Transfermarkt портали бу футболчини 110 миллион еврога баҳолагани бежиз эмас.