«Айнтрахт» ярим ҳимоячиси Марио Гётце «Бавария»да ўйнаётган собиқ жамоадоши Томас Мюллер ҳақида фикр билдирди.

«Унинг қанча вақтдан бери юқори савияда ўйнаганини, нималарга эришганини, қанча халқаро ўйинларда қатнашганини кўрсак, буларнинг барчаси унинг фазилатлари ҳақида гапиради.

У тез ва жисмоний кучли бўлгани сабабли замонавий футболга мослаша олди», - дея Гётценинг сўзларини келтиради RTL.

34 ёшли Мюллер 2009 йилдан бери «Бавария»нинг асосий жамоасида ўйнаб келмоқда. Жорий мавсумда ҳужумчи барча мусобақаларда саккизта учрашувда иштирок этди ва учта голли узатмани амалга оширди.

Футболчининг мюнхенликлар билан амалдаги шартномаси келаси ёзгача амал қилади.