"Ювентус" ярим ҳимоячиси Николо Фаджоли пул тикиш фаолияти туфайли дисквалификация қилинди.
Sky Sports хабарига кўра, "Кекса синьора" футболчиси қимор ўйнагани учун 7 ойга футболдан четлаштирилган. Қайд этилишича, ярим ҳимоячини 2024 йилнинг майигача дисквалификация қилиш қарори Турин прокуратураси томонидан тасдиқланган. Тотализатор ишида Фажолидан ташқари, "Ньюкасл" ярим ҳимоячиси Сандро Тонали ҳам ушланди.
Аввалроқ 22 ёшли футболчи миллион евродан кўпроқ маблағ сарфлагани хабар қилинганди. Жорий мавсумда 6 учрашувда Николо битта голли узатмани амалга оширди.