Аргентина терма жамоаси ЖЧ-2026 саралаш босқичи доирасида Перуни 2:0 ҳисобида мағлуб этди. Лионель Месси дубл қайд этди.
Аргентина терма жамоасининг ҳужумчиси Жанубий Америкадаги жаҳон чемпионати саралашида гол уриш бўйича рекордни янгилади. Мессининг иккинчи голи унинг саралашдаги 31-голи бўлди. Бу кўрсаткич бўйича у уругвайлик Луис Суаресдан ўзиб кетди.
Жаҳон чемпионати саралаши тўпурарларининг жаҳон рейтингида Месси Роберт Левандовскидан олдинга ўтиб, 4-ўринга кўтарилди.
Жаҳон чемпионати саралашининг энг яхши бешта тўпурари:
Карлос Руис (Гватемала) — 39;
Криштиану Роналду (Португалия) — 36;
Али Дайи (Эрон) – 35;
Лионель Месси (Аргентина) – 31;
Роберт Левандовски (Польша) - 30.
