"Реал Мадрид" келаси ёзда "Челси" ҳимоячиси Рис Жеймсни ўз сафига қўшиб олмоқчи.
Relevo нашри маълумотларига кўра, "Реал" раҳбариятининг хоҳишига қарамай, келишув ҳозир жуда қийин кўринади.
Гап шундаки, Жеймснинг “Челси” билан шартномаси 2027 йилнинг ёзига қадар тузилган. Лондон клуби яқинда ўз футболчисига сардорлик боғичини берди, шунинг учун раҳбарият яқин келажакда Рис билан хайрлашмоқчи эмас.
Жеймс сўнгги мавсумларда турли жароҳатларга дучор бўлди. Айни дамда ҳам Рис август ойида машғулотларда олган жароҳати туфайли икки ойга яқин вақтга сафдан чиқди.
