"Манчестер Юнайтед" бош мураббийи сэр Алекс Фергюсон ўз жамоасида Криштиану Роналдуни кўришни хоҳлашини айтди ва ўз ўрнида бу жуда қийин иш эканлигини қўшимча қилди.
"Бундай бўлишига ишонмайман. Буни хоҳлаган бўлар эдим, аммо бу жуда қийин иш. "Реал" уни қанча пул эвазига қўйиб юборишини тасаввур қилиш қийин. Уларда Роналдуни сотиш учун кичкинагина бўлса ҳам сабаб кўрмаяпман. Бошқа тарафдан, сиз олдиндан нималар содир бўлишини тасаввур қилам олмайсиз. Мен унинг шартномаси қачон якунига етишини билмайман. Балки, қачонлардир Криштиану бошқа жамоага ўтишни истаб қолса, бизга қайтади, деб умид қиламан", - дейди Шотландиялик мураббий.
Эслатиб ўтамиз, Роналду "МЮ" таркибида 6 йил тўп сурди. 2009 йил рекорд сумма - 80 млн евро эвазига "Реал"га ўтган эди. Футболчининг ўзи ҳам "МЮ" ва Фергюсонни соғинишини бот-бот такрорлайди.
