«Гремио» ҳужумчиси Луис Суареснинг фаолиятини АҚШда давом эттириш эҳтимоли юқори.
Маълумки, уругвайлик футболчи йил охирида, амалдаги шартномаси якунига етгач, Бразилия клубини тарк этади.
«Интер Майами» узоқ вақтдан бери 36 ёшли форвардга даъвогарлардан бири бўлиб келган, кўринишидан, у юлдуз футболчини ўз сафига жалб этиш ниятида.
Goal хабарига кўра, америкаликлар бош мураббийи Херардо Мартино Суаресни келаси мавсумдаги режаларига аллақачон киритиб бўлган.