Англиянинг «КПР» жамоаси 23 ёшли яримҳимоячиси Адел Таарабтга «Барселона» ва «Анжи» жамоалари қизиқиш билдирмоқда.
Таарабтнинг ўзи Ҳарри Реднапп бошқарувни қўлга олган жамоада тўп сураётганидан мамнунлигини айтсада, бу борада биринчи планга таклифларнинг қулай молиявий шартлари чиқиши мумкин.
«Менга «Барселона» вакиллари ва «Анжи» президенти қизиқиш билдиришаёгани ҳақида айтишди. Аммо мен «КПР» билан тўрт йиллик шартномам бор ва клуб хўжайини Тони Фернандес мени сотмоқчи эмаслигини таъкидлаб ўтди».
«Агар қайсидир жамоа менга 20 миллион фунт стерлинг таклиф қиладиган бўлса, вазият қандай тус олишини билмайман. Аммо шуни айтишим мумкинки, мен клубимни ва унинг аъзоларини яхши кўраман. Шу билан бир қаторда улар ҳам мени яхши кўришади», дея таъкидлаб ўтди Адел.
Эслатиб ўтамиз, олдинроқ футболчига «ПСЖ», «Арсенал», «МЮ», «Наполи» ва «Ювентус» клублари ҳам қизиқиш билдираётгани борасида хабарлар тарқалганди.