Мадриднинг “Реал” клуби ярим ҳимоячиси Жуд Беллингем Англияга қайтишни истамаяпти.
20 ёшли футболчи Англия Премьер-лигасида ўйнамай туриб, ўз мамлакати ва бутун Европа футболи учун юлдузга айланди. Ўтган ёзда ярим ҳимоячи ўз ватанига қайтишдан кўра "Реал"га ўтишни афзал кўрди.
"Биз сизни Премьер-лигада кўришни истардик", деди Англия терма жамоаси собиқ аъзоси Жо Коул Беллингемга. "Лос-Бланкос" футболчиси интервьюда кулиб жавоб берди: "Сиз бошқа бировни қидиришингиз керак бўлиши мумкин."
Жуд Беллингем "Реал"га 100 миллион евродан кўпроққа тушди. Бунгача ярим ҳимоячи Дортмунднинг "Боруссия" клубида ўйнаган.
