Бундестагнинг Христиан-Демократик иттифоқини икки депутати "Бавария"нинг марокашлик футболчиси Нуссаир Мазрауини Германиядан чиқариб юборишни талаб қилди.
Футболчи аввалроқ Фаластинни қўллаб-қувватлаб, Марокаш терма жамоаси ўз бонусларини Яқин Шарқдаги қисман тан олинган давлат эҳтиёжларига беришини айтган.
"Нацистлар "Яҳудийлар клуби" деб атаган Курт Ландауер клуби бундай бўлишига йўл қўя олмайди. Ҳурматли "Бавария" раҳбарияти, илтимос уни дарҳол ҳайдаб юборинг. Қолаверса, уни Германиядан чиқариб юбориш учун давлатнинг барча имкониятларидан фойдаланиш керак", — деб ёзган депутат Ёханнес Штайнигер.
"Умид қиламанки, "Бавария" чора кўради. ХАМАСнинг Исроилга қилган даҳшатли терактларига хайрихоҳ бўлган одамга Германияда жой йўқ", — деб ёзган депутат Кристоф Плосс.