Bundestagning Xristian-Demokratik ittifoqini ikki deputati "Bavariya"ning marokashlik futbolchisi Nussair Mazrauini Germaniyadan chiqarib yuborishni talab qildi.
Futbolchi avvalroq Falastinni qo‘llab-quvvatlab, Marokash terma jamoasi o‘z bonuslarini Yaqin Sharqdagi qisman tan olingan davlat ehtiyojlariga berishini aytgan.
"Nasistlar "Yahudiylar klubi" deb atagan Kurt Landauyer klubi bunday bo‘lishiga yo‘l qo‘ya olmaydi. Hurmatli "Bavariya" rahbariyati, iltimos uni darhol haydab yuboring. Qolaversa, uni Germaniyadan chiqarib yuborish uchun davlatning barcha imkoniyatlaridan foydalanish kerak", — deb yozgan deputat Yoxannes Shtayniger.
"Umid qilamanki, "Bavariya" chora ko‘radi. XAMASning Isroilga qilgan dahshatli teraktlariga xayrixoh bo‘lgan odamga Germaniyada joy yo‘q", — deb yozgan deputat Kristof Ploss.