"Негрейра иши" деб аталмиш иш тобора кучайиб бормоқда. Каталония Олий суди "Барселона"нинг амалдаги президенти Жоан Лапортага қарши айбловлар қўйилганини эълон қилди. У порахўрликда гумон қилинмоқда.
Аввалроқ, "Барселона"нинг собиқ президентлари Хосеп Бартомеу ва Сандро Росель ҳам айбланган эди. Шунингдек, Каталония клубининг ўзи ҳам айбланувчи мақомига эга.
Негрейра иши "Барселона" томонидан ҳакамлар техник қўмитаси собиқ вице-президенти Хосе Негрейрага қилинган тўловлар билан боғлиқ. Клубнинг таъкидлашича, улар ёрдам учун эмас, балки ҳакамларнинг ҳисоботлари учун пул тўлаган.